БОЛАЛАР УЧУН ЯНГИ ЙИЛ СОВҒАСИ

Янги йил байрамига туҳфа сифатида З.М.Бобур номидаги мусиқали драма ва комедия театри режиссёр Дилмурод Исақов раҳбарлигида драматург Усмон Азимнинг болаларга бағишлаб ёзилган "Қора маликанинг саргузаштлари" пьеса эртагини саҳналаштирмоқда.

Спектаклда эзгулик ва унинг ғалабаси, ёмонликнинг оқибатлари, адолат ва муҳаббатнинг тантанаси ифода этилади. Спектаклдаги асосий ролларни теа-трнинг етакчи актрисаси Муфаззал Каримова ҳамда ёш актёрлар Илҳомжон Мусаев, Муҳаммадин Жабборов, Ойбек Эргашев, Шерали Иброҳимов, Барнохон Собирова, Қизлархон Давронова, Иброҳим Норматов, Маҳлиё Раимовалар ижро этмоқдалар.

Спектакль янги йил арафасида болажонлар, қолаверса, кенг жамоатчилик эътиборига туҳфа этилади.

О.ҚУВВАТОВ.