Пазанда маслаҳати

ШОКОЛАДЛИ ТОРТ

Керакли масаллиқлар: 150 гр. сариёғ ёки маргарин, 2 стакан шакар, 5 та тухум, 250 гр. шоколад, 4 стакан ун, қуюқ, нордон мураббо ( ўрикли, олхўрили, олчали).

ГЛАЗУРЬ: 50-100 гр. шоколад, 50 гр. сариёғ, 1 стакан шакар кукуни, 5 ош қошиқ сут, 1 ош қошиқ ичимлик крахмали, 3 ош қошиқ какао, ванелин.

Тайёрланиши: Юмшатиб қўйилган сариёғни шакар билан ( энг яхшиси, шакар кукуни билан ) кўпиртирилади. Унга биттадан тухум сариғи қўшиб борилади. Шоколадни оловда эритиб, қуюлиши бошланишига қадар совитилади ва сариёғли аралашмага қўшилади. Ун қўшиб борилади, тухумнинг оқи кўпиртирилиб қўшилади. Шу аралашма билан қолип тўлдирилади. Торт 35-45 дақиқа давомида пиширилади. Духовкадан олинмай совитилади ва икки ясси бўлакка бўлинади ҳамда мураббо суртилади. Мураббо кўпроқ сингиши учун оз-оздан бир неча марта суртилади. Икки бўлак устма-уст қилиб жойлангандан кейин тортнинг устига ҳам мураббо суртилади ва глазурь қуйилади.