ЯНГИ ЙИЛ ҚУТЛОВИ

Муҳтарама опа-сингиллар, меҳрибон онахонлар, азиз ҳамюртлар!

Сизларни кириб келаётган - Муҳтарам юртбошимиз ташаббуси билан - "Мустаҳкам оила йили", деб номланган Янги - 2012 йил билан қизғин муборакбод этамиз.

Янги йил барчангизга қувонч, бахт-саодат, улкан ютуқлар олиб келсин. Юртимиз ва халқимиз учун янада баракали, барқарор тинчлик ва юксалиш йили бўлсин.

Ҳаммамизга яхши маълумки, юртимиз ҳаётининг барча жабҳаларида, айниқса, хотин-қизларнинг турмуш фаровонлигини ошириш борасида салмоқли ишлар амалга оширилмоқда. Ишонч билан айта оламизки, ана шундай хайрли ишлар кўлами янги йилда янада ортади.

Янги - 2012 йил ҳар бир хонадонга шодлик, файзу барака келтирадиган, одамларимиз ўртасида меҳр-оқибат ришталарини мустаҳкамлайдиган, бир сўз билан айтганда халқимиз, хотин-қизларимиз учун хайрли йиллардан бири бўлсин.

Азиз опа-сингиллар! Бугунги шодиёна кунда барчангизга, энг аввало, тани сиҳатлик, узоқ умр, оилангизга тинчлик-тотувлик, дастурхонингизга қут-барака, халқимиз турмуш фаровонлигини ошириш, юртимиз равнақи йўлида олиб бораётган ишларингизда омадлар тилаймиз.

Янги йилингиз қутлуғ бўлсин!

Андижон вилояти

хотин-қизлар қўмитаси.