УСТОЗЛАРИМ ИШОНЧИНИ ОҚЛАЙМАН
Якунланган йил менга энг катта орзуларимдан бири ушалган йил сифатида қадрлидир. Чунки шу йили Андижон давлат университетини тамомлаб, мактабда - меҳнат фаолиятимни бошладим, ўзим орзу қилган шарафли касб - ўқитувчилик касбини эгалладим.
Ҳар куни мактаб остонасидан ўтар эканман, қалбимда фахр, ғурур туйғуси ва масъулият ҳисси пайдо бўлади. Ўқитувчи бўлиш - мен учун имкониятлар эшигининг очилишидир.
Аҳил, бир-бирларига кўмак берадиган, айниқса, мен сингари ёш мутахассислардан ўз ёрдамларини аямайдиган жамоада ишлаётганлигим менинг бахтим ва омадимдир.
Мен Ватан равнақи йўлида сидқидил меҳнат қилишга, ёш авлодни Ватанга садоқатли, юксак аҳлоқли, маънавиятли ва маърифатли инсонлар қилиб тарбиялаш учун бор имкониятларимни ишга соламан.
Янги йилда ўз олдимга улкан режаларни қўйганман. Аввало, магистратурага ўқишга кириб, илмий иш қилиш ниятидаман. Бунинг учун бор билим ва маҳоратимни ишга соламан. Устозларимнинг ишончини албатта оқлайман.
Янги йил барчага омад, қувонч келтирадиган йил бўлсин!
Динора МАТМУСАЕВА,
Андижон шаҳридаги 36-умумтаълим
мактаби ўқитувчиси.
|