МЕХНАТЛАР ҚАДРЛАНАДИГАН ЮРТ
- 2011 йил кўпчилик юртдошларим қатори менинг ҳаётимда ҳам ўчмас из қолдирди. Йиллар давомида қилган камтарона меҳнатларим юксак баҳоланиб, "Соғлом авлод учун" орден билан тақдирландим.
Чекка бир қишлоқда фаолият кўрсатаётган мендек оддий бир шифокорга юртимизнинг шундай юксак нишони насиб этганлигидан беҳад қувондим. Элга қилинган ҳар қандай сидқидил хизмат бесамар кетмаслигига, юртимизда инсон меҳнати ҳамиша қадрланишига ишонч ҳосил қилдим.
Бугунги кунда жамоамиз билан ҚВПмизни замонавий, андозавий тиббиёт маскани даражасига кўтариб, аҳолига малакали тиббий хизмат кўрсатишга интилмоқдамиз. Миллатнинг келажаги бўлган ёш авлод соғ-лигини муҳофаза қилиш, оналар саломатлигини сақлаш, уларнинг бахти-камоли учун муносиб хизмат қилаётганимиздан бахтиёрмиз.
Янги йилда барча юртдошларимизга тинчлик, омонлик, тани-сиҳатлик, шукроналик тилаб, эртанги кунлари бундан-да ёруғ ва мунаввар бўлишини тилаб қоламан.
Минавархон ҚОРАЧАЕВА,
Булоқбоши туманидаги "Қақир" ҚВП мудираси.
|