ДАВРА СУXБАТИ ЎТКАЗИЛДИ

Вилоят хотин-қизлар қўмитаси ташаббуси билан Аёллар Кенгаши республика жамоат бирлашмаси Андижон вилоят филиали ҳамда "Нуроний" жамғармаси вилоят бўлими ҳамкорлигида "Хотин-қизларнинг ҳуқуқий билимларини ошириш" мавзусида давра суҳбати ўтказилди.

Тадбирда "Нуроний" жамғармасининг бир гуруҳ вакиллари, маҳалла маслаҳатчилари, отинойилар иштирок этдилар.

Давра суҳбатида сўзга чиққанлар бугунги кунда оилаларда маънавий муҳит барқарорлигини таъминлаш зарурлиги ҳақида гапириб, хотин-қизларнинг ҳуқуқий билимларини ошириш бўйича ўз фикр ва мулоҳазаларини айтиб ўтди.

Тадбир сўнггида вилоят ҳокимининг ўринбосари, вилоят хотин-қизлар қўмитаси раиси Н.Ёқубова сўзга чиқиб, оилалар мустаҳкамлиги ва тўкинлигини таъминлаш учун хотин-қизлар аввало, ўз ҳуқуқ ва бурчларини мукаммал билишлари муҳим эканлиги ҳақида гапирди ва бир гуруҳ фаол аёлларни эсдалик совғалари билан тақдирлади.

Тадбирдан сўнг байрам қатнашчилари "Ҳамкор" халқаро бизнес марказида бўлиб, марказдаги ишлар билан яқиндан танишдилар.

Р.ЖУМАНИЁЗОВА.