БАЙРАМ ТАДБИРИ

Андижон шаҳридаги "Бўс-тон" маҳалла фуқаролар йиғинида Янги йил байрами арафасида маҳалла аҳлига байрам дастурхони ёзилди. Тадбирга маҳалланинг кам таъминланган оила вакиллари ва болажонлар таклиф этилдилар.

Тадбирда шаҳар ҳокимининг ўринбосари, шаҳар хотин-қизлар қўмитаси раиси М.Ваққосова иштирок этиб, барчани янги йил билан муборакбод этди.

Маҳалла ҳомийлари кўмагида ўтказилган ушбу тадбир иштирокчиларга байрамона кайфият улашди, қолаверса, юртимизда инсон манфаатлари улуғланишининг ёрқин намунаси бўлди.

Тадбирнинг бадиий қисмида шаҳардаги 42-МТМ тарбияланувчилари, санъаткорлар ўзларининг саҳна томошалари ва дилрабо куй-қўшиқлари билан кечага файз киритди.

Р.ЗОКИРОВА, "Бўстон" МФЙ раиси.