ТАБИАТ ВА ИНСОН

Она табиатни асрайлик

Табиат - мўъжизакор, сиру синоатларга бой. Табиат инсон учун, одамзотнинг чиройли яшаши учун жуда кўп неъматлар инъом этади.

Дарҳақиқат, табиат бизга битмас-туганмас бойлик беради. Сув, тупроқ, дарахт, бизга доимо заррин нурларини сочиб турувчи қуёш, ой, оппоқ булутли само, дарёлар, гуллар ва гўзал манзаралар. Буларнинг бари табиат томонидан инсонга берилган бебаҳо неъматлардир.

Чуқур ҳаёлга ботган инсон оқиб турган зилол сувга тикилади. Ҳаётдан чарчаган, ноумид бўлганлар эса дарахтларга ва кўкка умид билан қарайди.

Дарахтлар... Гўё инсонга ҳаёт бахш этади, қалбига эса чексиз орзу-умидларни муҳрлайди. Мусаффо осмон... Кимдир ҳаёт синовларига бардош бера олмай кўзидаги умид ёшлари билан кўкка боқади. Шунда узоқ самога термулган инсон чарчоқлари чиқиб кетаётганини ҳис қилади.

Демак, она-табиат инсондан ҳаётдаги қийинчиликларни аритади. Ҳаёт бизга ана шундай мафтункор табиатни, бебаҳо неъматларни бахш этган экан, улардан оқилона фойдаланишимиз шарт. Бу фоний дунёда ҳеч ким абадий қолмайди. Бу табиат неъматларида келажак авлодларнинг ҳам ҳаққи бор. Шундай экан, муқаддас она заминни асраб-авайлаб, авлодларга безавол етказайлик.

Динора ЗАЙНОБИДДИНОВА,

академик лицей талабаси.