Орастахона
ЮЗИНГИЗНИ ПАРВАРИШЛАНГ
Юз терисини соғломлаштириш, шунингдек, маълум даражада ёшартириш учун қуйидаги тавсияларга амал қилинг.
Бир чой қошиқ миқдорида мойчечак гули, ялпиз, далачой ва жўка гулларидан олиб, унга икки стакан қайноқ сув қуясиз. Бир соат иссиқ жойга ўраб, олиб қўясиз. Тайёр дамламани докадан сузиб олиб, икки ош қошиқ ароқ ёки одеколон қўшиб аралаштирасиз. Кечқурун юмшоқ пахтага шимдирилган дамламани юз терисига бир текисда суртиб ётасиз.
СЕПКИЛЛАРНИ КЕТКАЗИШ УЧУН...
Бир боғ петрушкани бир литр сувда 10 дақиқа давомида милдиратиб қайнатасиз. Бироз совутгач, арчиб тозаланган, 1 дона лимон шарбатини петрушка сувига аралаштирасиз.
Тайёр бўлган аралашмага озроқ пахтани ботириб, юзингизга суртасиз. Ушбу тадбирни ҳар куни икки маҳал бажарасиз.
КЎЗЛАР ПАРВАРИШИ
Чойнак тагида қоладиган шамани сиқиб олинг ва қолдиқ чойга пахта бўлагини намланг. Сўнг кўзларингизнинг юқори томонига аста қўйиб ётинг. 15 дақиқадан кейин пахтани олиб ташлайсиз.
***
Қуюқ қилиб дамланган чой тагини тўкиб юборманг. Оппоқ бинтдан майда тўртбурчак шаклда тахлаб, халтачалар тайёрлаб олинг. Бу халтачаларни чой қолидиғига ботириб, бироз музлаткичга солиб қўйинг. Кейин уларни олиб, кўз қовоқларига қўйинг. 5 дақиқадан сўнг халтачаларни олиб ташлайсиз.
НИГОРА тайёрлади.
|