ФАН ОЙЛИГИ ДОИРАСИДА ТАДБИР

Андижон шаҳридаги 44-умумтаълим мактабида фан ойликларини ўтказишга алоҳида эътибор қаратилади. Жорий йилнинг январь ойи тарих ва давлат ҳуқуқлари фанига бағишланди.

Тажрибали ўқитувчи Сурия Мулюкова бошчилигида ташкил этилган фан ойлиги тадбирларида К.Мулюкова, А.Қўлдошев, Д.Маматраҳимов, М.Файзуллаева сингари изланувчан ўқитувчилар фаоллик кўрсатдилар.

Фан ойлиги давомида очиқ дарс машғулотлари ташкил этилиб, ноанъанавий дарс усулларидан фойдаланилди.

Тадбирда ўқувчилар томонидан тайёрланган саҳна кўринишлари, реферат, кроссвордлар, деворий газеталар кўпчиликнинг эътирофига сазовор бўлди.

Фан ойлиги доирасида ўтказилган барча илмий, маънавий-маърифий тадбирлар қизиқарли, баҳс-мунозараларга ва таассуротларга бой бўлди.

О.ВАҲОБЖОНОВА.