НАВОИЙХОНЛИК КЕЧАСИ
Олтинкўл туманидаги 28-ихтисослаштирилган мактаб-интернатида ғазал мулкининг султони Алишер Навоий таваллудининг 571 йиллигига бағишланган адабий кеча бўлиб ўтди. Унда мактаб-интернатнинг ўқитувчилари, тарбиячилари ҳамда ўқувчилари иштирок этдилар.
Адабий кечада ўзбек тили ва адабиёти фани ўқитувчиси Тўлғаной Мамасаидова Навоийнинг ўзбек адабиётига қўшган хиссаси, биз - авлодларга қолдирган мероси ва унинг аҳамияти ҳақида маъруза қилди.
Шундан сўнг ўқувчилар томонидан Навоий ҳаёти билан боғлиқ саҳна кўриниши намойиш этилди.
Кўтаринки руҳда бўлиб ўтган адабий тадбир қатнашчиларда катта таассурот қолдирди.
Ш.КЕЛДИЕВ.
|