"АНДИЖАНКА" ҒОЛИБ

Тошкентда аёллар ўртасида мини футбол бўйича республика чемпионатининг биринчи тур ўйинлари бўлиб ўтди. Унда 10 жамоа икки гуруҳга бўлиниб, ғолиблик учун баҳс олиб бордилар.

Чемпионатда "Андижанка" икки жамоа билан иштирок этди. Иккинчи жамоа қўрғонтепалик ва избосканлик 16 ёшдаги футболчи қизлардан ташкил топган. Шуниси қувончлики, улар чемпионатда тажрибали "Семурғ" жамоаси устидан 4:1 ҳисобида ютуққа эришдилар.

"Андижанка" клубининг асосий таркиби тўртта учрашув ўтказиб, уларнинг барчасида ютуққа эришди. Чемпионатнинг кейинги тури 12-17 февралда ўтказилади.

Т.СИДДИҚ.