ҚАПАҚ СОМСА

Керакли масаллиқлар: 0,5.кг. гўшт, 200 гр. қўй ёғи, 0,5 кг. пиёз, ярим пиёла минерал сув, 4 та тухум, бир пиёла ўсимлик ёғи, ўртача юмшоқликдаги хамир учун ун, сув, туз ва зираворлар таъбга кўра.

Тайёрланиши: Аввал гўшт ва ёғни майда тўртбурчак шаклида тўғраб, минерал сув, туз, зираворларни қўшиб аралаштирасиз ва 20 дақиқага олиб қўясиз. Кейин пиёзни майда тўғраб, гўштга аралаштирасиз.

Унни элайсиз. Намакоб сувга тухум чақасиз, ўсимлик мойи, ун солиб хамир тайёрлайсиз ва устига салафан ёпиб, 30 дақиқага тиндирасиз. Кейин хамирдан ўртача кичикликда зувалачалар узиб, жувалайсиз. Жилдларга қиймадан солиб, думалоқ шаклда тугасиз. Кейин устига озгинадан сут суртиб, иссиқ духовкада 45 дақиқа давомида пиширасиз.

Тайёр бўлган сомса устига озгинадан ўсимлик мойи суртиб чиқасиз ва дастурхонга тортасиз.

"Таомнома" китоби асосида ГУЛИ тайёрлади.