НАВОИЙГА ҲУРМАТ ТУЙҒУСИ
Ғазал мулкининг султони Алишер Навоийнинг 571 йиллик таваллуди вилоятимизда кенг нишонланди. Шоирнинг таваллуд куни шаҳримиздаги Навоий номли маданият ва истироҳат боғида ижодкорлар, талабалар, олимлар тўпланиб, ҳазрат Навоийнинг ҳайкали пойига гулдасталар қўйдилар.
Тадбирни Ўзбекистон Ёзувчилар уюшмаси вилоят бўлими раҳбари Х.Қўчқорова очиб, Навоийнинг бизга қолдирган бой мероси ҳақида гапирди. Шундан сўнг Ўзбекистон санъат арбоби, шоир Олимжон Холдор, Андижон давлат университети доценти Баҳром Жалиловлар Навоий ижоди, ҳаёти ҳақида маъруза қилдилар. "Бобур издошлари" адабий тўгараги аъзолари томонидан шоир ғазаллари ёд ўқилди.
Тадбир кўтаринки руҳ билан Андижон давлат тиббиёт институти қошидаги академик лицейда давом этди.
У. АБДУСАЛОМОВ.
|