ИККИ ШОИР ТАВАЛЛУДИ
Шу кунларда Алишер Навоий таваллудининг 571 йиллиги, Заҳириддин Муҳаммад Бобур таваллудининг 529 йиллик тантаналари вилоятимиз бўйлаб кенг нишонланмоқда. Шундай тадбирлардан бири Бобур номидаги вилоят ахборот кутубхона марказиди ўтказилди.
Халқаро "Олтин мерос" хайрия жамғармаси, "Ўзбеккино" миллий агентлиги вилоят бўлими, Андижон давлат тиббиёт институти ҳамкорлигида ўтказилган мазкур тадбир ўзбек халқининг буюк шоирлари ижодига бағишланди.
Тадбирда Андижон тиббиёт институти ўқитувчилари М.Қўзибоева, О.Абдусаломовларнинг Навоий ҳамда Бобурнинг ҳаёт йўли, бой маданий мероси, уларнинг бугунги кундаги аҳамияти ҳақидаги маърузалари тингланди.
Тадбирда Андижон давлат университетининг бир гуруҳ талабалари шоирларнинг ғазалларидан ёд ўқиб бердилар.
Н. АЗНАБОЕВА.
|