"НАФОСАТ ИЛМИНИНГ СОҲИБИ"

Андижон вилояти халқ таълими бошқармасига қарашли Болалар шаҳарчасида ўтказилган "Нафосат илмининг соҳиби" мавзусидаги адабий-мусиқали кеча Бобур номидаги Андижон вилоят ахборот-кутубхона маркази билан ҳамкорликда ташкил этилди. Мазкур тадбир болажонларга бир дунё маънавий озуқа бериш билан бирга, уларни шоир ижоди ва ҳаёти ҳақидаги билимларини янада кўпайтиришга хизмат қилди. Болалар шаҳарчаси тарбияланувчиларининг мумтоз наволарга ҳиром айлаган рақслари барчани бирдек тўлқинлантирди.

Тадбир давомида фаол иштирок этган ўқувчиларга ташкилотчилар томонидан эсдалик совғалар топширилиши болаларни янада қувонтирди.

Ушбу тадбир болалар қалбида Ватанга садоқат, миллий маънавиятимиз ва қадриятларимизга, адабиёт ва санъатга бўлган меҳр ва муҳаббатларини янада бойитди.

Д. КАРИМОВА.