ОШИҚ ҚАЛБИМ ИСТАЙДИ ДИЙДОР

Сархуш этиб висол онлари,

Кўзларимни айлайди хумор.

Дилда униб соғинч гуллари,

Ошиқ қалбим истайди дийдор.

Дурми ёки жайрон кўзингиз,

Сиз танҳосиз, англадим шуни.

Қўрқаман мен қолишдан ёлғиз,

Сезасизму азизим шуни.

Бўлибди-ку икки дил шайдо,

Шафқат қилинг, айирманг уни.

Чин муҳаббат бўлибди пайдо,

Соғинчларга кўмилган куни.

Атайлаб ҳам куйдириб мени,

Олисларга кетиб қоласиз.

Яна дейсиз "севаман сени",

Кўз ёшимга айланарсиз, Сиз.

Дилдора ҒАНИЕВА.