ҚАТРА

БАХТ

Бахт!

Гўёки юлдузларданда йироқда. Унга етишиш учун не-не машаққатларни бошдан ўтказиш лозимдек туюлади. Ким бунга жавоб бера олади? ...Инсон дунёда фақат бахтга эришиш учун яшайдими?!

Бахт ўзи нима?!

Усиз ҳаётни тасаввур қила оламизми?!

Менимча йўқ!..

Чунки, у ҳаётнинг маъноси...

Дунёдаги энг катта бахт бу - яқинларингнинг борлигидир. Чунки, улар сенинг кам-кўстинг-ни тўлдиради. Кўнглингга илиқлик олиб киради. Яна бир бахт эса ўзингга ишонишингдир. Агар ўзингга ишонмас экансан, сен кўп нарсангни йўқотиб бораверасан. Бу ҳаётда нима учун яшаётганингни ҳам унутиб қўясан. Инсон умри давомида бахтга талпиниб яшайди. Фақат ва фақат бахтли бўлишни истайди. Бир нарсани билмоғимиз даркор, дунёда барча бахтли, лекин буни англаши бир оз мушкулдир.

Зеро, бахтга эришиш осон. Аммо уни ушлаб туриш қийин.

Нурилло ТЎХТАСИНОВ.