Пазанда маслаҳати
"ЗЕБРА" ПЕЧЕНЬЕСИ
Керакли маҳсулотлар: 4 стакан ун, 200 гр. маргарин, 200 гр. шакар, 2 дона тухум, бир чой қошиқда кабартма, 5 ош қошиқ какао, ярим чой қошиқ ванилин.
Тайёрланиши: Маргаринни қирғичнинг катта тарафидан ўтказиб, шакар билан яхшилаб аралаштирасиз. Кейин тухум чақасиз, ун ва кабартмани солиб, аралаштиришда давом этасиз. Хамирни иккига бўлиб, бирига какао солиб, қорасиз ва хамирни 20 дақиқага иссиқ жойга ўраб олиб қўясиз.
Тинган хамирларни жува ёрдамида 0,5 мм. қалинликда алоҳида-алоҳида ёйиб, тўртбурчак шаклга келтириш учун хамир четларини пичоқда қирқиб оласиз. Кейин ёйилган оқ хамир устига какао қўшилган хамирни ёпасиз ва рулет шаклида ўрайсиз. Ўралган рулетни музлаткичга 20 дақиқага қўясиз. Сўнгра уни олиб, 2 см. қалинликда кесиб чиқасиз.
Печеньеларни ёғ суртилган листларга жойлаб, духовкада 150 даража иссиқликда, 30 дақиқа давомида пиширасиз.
"Таомнома" китоби асосида ГУЛИ тайёрлади.
|