Орастахона
ЮЗИНГИЗНИ ПАРВАРИШЛАНГ
Юзингиз оппоқ ва тиниқ бўлиши учун қуйидаги тадбирни ҳафтада икки марта қўллаб туринг.
Бир ош қошиқдан творог ва қаймоқ, бир чой қошиқда туз олиб, ҳаммасини яхшилаб аралаштиринг. Аралашмани юз ва бўйин қисмига оҳиста суртиб чиқинг. 15 дақиқадан сўнг илиқ сувда ювиб юборинг ва озиқлантирувчи кремдан суртиб олинг.
ТИРНОҚ КЎЧМАСЛИГИ УЧУН
* Овқатланиш рационида таркибида А витамини бор сузма, сут, жигар, тухум, сариёғ, балиқ, ёнғоқ ва сабзи каби маҳсулотлар бўлишига аҳамият беринг.
* 1 ош қошиқ тузни 1 стакан иссиқ сувга аралаштириб, ана шу эритмага бармоқларингизни 15-20 дақиқа ботириб ўтиринг.
* Тирноғингиздаги эски лакни ўчириб ташлашни унутманг. Ацетон ишлатманг, чунки тирноқ ҳам тана аъзоингизнинг бир бўлаги. Яхшиси, лак ўчирадиган суюқлик ишлатинг. Унинг таркибида мавжуд мой ва бошқа тирноқни мустаҳкамловчи моддалар борлиги муҳимдир.
НИГОРА тайёрлади.
|