МУКОФОТ МУБОРАК, МУҲАББАТ!

Зулфия номидаги Давлат мукофотининг бу йилги совриндорларидан бири вилоятимиздан етишиб чиқаётган ёш истеъдод соҳибаси - Муҳаббат Каримова бўлди. Муҳаббат санъатга бўлган қизиқиши, ғайрат-шижоати ва иқтидори билан рақс санъатини пухта эгаллаб бораётган ёшларимиздан.

Болалар шаҳарчасида камол топаётган Олтинкўл туманидаги 20-Давлат ихтисослаштирилган мактаб-интернатининг 7-синф ўқувчиси Муҳаббат Каримова бу нуфузли мукофотга серқирра ижоди, изланувчан ва ташаббускорлиги ҳамда аъло баҳоларга ўқиши билан муносиб деб топилди.

Биз ҳам вилоятимиз аҳли ва кўп минг сонли мухлисларимиз номидан иқтидорли қизимизни юксак мукофот билан муборакбод этамиз.

М.Каримованинг келажакдаги ўқиш ва ижодида омадлар тилаб қоламиз.