ТАНЛОВ ҒОЛИБЛАРИ ТАҚДИРЛАНДИ
8 март байрами арафасида вилоят хотин-қизлар қўмитаси ҳамда Ўзбекистон Журналистлари ижодий уюшмаси вилоят бўлими ҳамкорлигида эълон қилинган "Қадри баланд бўлсин ўзбек аёлин" кўрик-танлови ғолибларини тақдирлаш маросими бўлиб ўтди.
Ижодкор аёлларни қўллаб-қувватлаш ва рағбатлантириш мақсадида анъанавий тарзда ўтказилаётган ушбу танловга тақдим этилган ижодий ишлар кўриб чиқилиб, олтита номинация бўйича ғолиблар ва фаол иштирокчилар аниқланди.
Тадбирда вилоят ҳокимининг ўринбосари, хотин-қизлар қўмитаси раиси Н. Яқубова иштирок этиб, барча журналист, ижодкор опа-сингилларимизни қутлуғ айём билан муборабод этди, уларнинг ижодига, хотин-қизлар фаолиятини ёритиш борасидаги ишларига юксак баҳо берди.
Ғолиблар танлов ташкилотчиларининг диплом ва эсдалик совғалари билан тақдирландилар. Кўрсатилган эътибор ва рағбат ижодкор аёлларимизга куч, илҳом ва шижоат бахш этди.
|