"ОРАСТА ҚИЗЛАР" ТАДБИРИ

Андижон шаҳридаги "Қайрағочтаги" МФЙ, 39-умумтаълим мактаби, шаҳардаги 4-поликлиника ҳамкорлигида "Ораста қизлар" тадбири ўтказилди. Тадбирда мактаб ўқувчилари, маҳалла фаоллари, шифокорлар иштирок этдилар.

Унда "Қайрағочтаги" МФЙ раиси Одинахон Қодирова, 4-поликлиниканинг маҳалла шифокори Халимахон Хўжаева, 39-мактаб хотин-қизлар билан ишлаш комиссияси раиси Муаттархон Умрзоқовалар сўзга чиқишиб, қизларнинг ораста бўлишида озодалик ва тозаликнинг аҳамияти, ёшларни соғломлаштиришда кийиниш маданиятига эътибор бериш, турли касалликларнинг олдини олиш, эрта турмушга чиқишнинг зарарлари хусусида маъруза қилдилар.

Ш. КЕЛДИЕВ.