МАҚСАД - ОИЛА МУСТАҲКАМЛИГИНИ ТАЪМИНЛАШ

"Мустаҳкам оила йили" муносабати билан Андижон шаҳрида вилоят хотин-қизлар қўмитаси, "Оила" илмий-амалий маркази ҳамда "AISKOM" суғурта компанияси вилоят бўлимлари ҳамкорлигида "Намунали оила", "Спортчи оила" шиори остида кўрик-танловлар бўлиб ўтди.

Ёшларни оилавий ҳаётга тайёрлаш, ёш оила вакилларининг оилани бошқариш, фарзанд тарбиясидаги масъулиятини ошириш, уларда кексаларни эъзозлаш, миллий қадриятларимизга, истиқлол ғояларига ҳурмат туйғуларини, шунингдек, оилаларда соғлом турмуш тарзини шакллантириш ҳамда хотин-қизлар саломатлигини мустаҳкамлаш мақсадида ўтказилган ушбу танловларда вилоятимизнинг барча туман ва шаҳарларидан 30 га яқин оилалар иштирок этдилар.

"Намунали оила" танловида қатнашган оилалар вакиллари оила мустаҳкамлигига асос бўлувчи энг илғор ғоя, фарзанд тарбиясидаги бой ҳаётий тажриба, маҳалла ишига камарбасталик сингари, "Спортчи оила" танловида эса оилада соғлом турмуш тарзига амал қилиш, оила аъзоларининг спорт билан мунтазам шуғулланишлари, қўни-қўшнилар, маҳалладошларни спортга тарғиб этиш каби қатор шартлар, шунингдек, арқон тортиш, баскетбол, югуриш бўйича ўзаро беллашдилар.

Якуний натижаларга кўра, танловда ғолиб бўлган оилалар ташкилотчиларинг Фахрий ёр-лиқ ва эсдалик совғалари билан тақдирландилар. Тақдирлаш маросимида вилоят ҳокимининг ўринбосари, хотин-қизлар қўмитаси раиси Н. Якубова иштирок этди.