ҲАМШИРАЛАР ТАҚДИРЛАНДИ
З.М.Бобур номидаги мусиқали драма ва комедия театрида халқаро ҳамширалар кунига бағишланиб тадбир бўлиб ўтди. Унда тиббиёт коллежлари ва бирлашмалари раҳбарлари, бир гуруҳ ҳамширалар, талабалар иштирок этдилар.
Тадбирда вилоят соғлиқни сақлаш бошқармаси бошлиғи В.Ҳакимов сўз олиб, барчани касб байрами билан табриклади. Шундан сўнг тиббиёт ходимлари касаба уюшмаси раиси К.Наимовалар сўзга чиқиб, соҳада олиб борилаётган ишлар, ҳамшираларнинг бурч ва вазифалари, уларга яратилган имкониятлар ҳақида гапирди.
Тадбир сўнгида ҳамширалар ассоциацияси томонидан тизимдаги бешта тиббий муассасага компьютер жамланмаси берилди ҳамда бир гуруҳ илғор ҳамширалар фахрий ёрлиқлар билан тақдирландилар.
Вилоятимизнинг таниқли санъаткорлари ижросидаги куй-қўшиқлар даврага байрамона кайфият улашди.
М.ХОЛБЕКОВА,
жамоатчи мухбир.
|