Пазанда маслаҳати

ҚУЛУПНАЙЛИ ТОРТ

Масаллиқлар: 1,5 стакан ун, 1 кг. қулупнай, 1 стакан шакар, 450 гр. сариёғ, 1 банка қуюлтирилган сут, 1 стакан сметана, 4 та тухум, 1 чой қошиқ сода.

Тайёрланиши: Тухум билан шакарни оқаргунча кўпиртиринг ва сода, 150 гр. сариёғ, ун қўшиб хамир қоринг.

Газ патнисига оқ қоғоз солиб, махсус қолипга хамирни жойлаштиринг. 180 даража иссиқликда 45 дақиқа давомида пиширасиз. Бисквит пишгандан сўнг, бир қават устини кесиб, қошиқ билан чуқур қилиб ковлаб оласиз. Саватча шаклига келтирилгандан сўнг, бискивитдан ажратилган қисмини бошқа идишга солиб майдалайсиз ва крем билан аралаштирасиз. Саватга бир қават қулупнай, бир қават кремли масаллиқ солиб, "тоғча" ҳосил қилгач, устини чиройли қилиб қулупнай мевалари билан безайсиз ва совутгичда 12 соат давомида сақлайсиз.

Крем тайёрлаш: 300гр. сариёғни қуюлтирилган сут билан яхшилаб кўпиртирасиз.