ЎҚУВ СЕМИНАРИ ЎТКАЗИЛДИ

Маънавият тарғибот маркази Булоқбоши туман бўлими туман хотин-қизлар қўмитаси билан ҳамкорликда "Мустаҳкам оила йили"га бағишлаб бошланғич хотин-қизлар қўмиталари фаолиятини кучайтириш, қўмита раисларининг сиёсий саводхонлигини ошириш мақсадида ўқув семинарлари ўтказмоқда.

Шундай ўқув семинарларидан бири Эшонхўжаев номли маҳаллада бўлиб ўтди. Тадбирда МФЙ маслаҳатчилари, бошланғич хотин-қизлар қўмитаси раислари қатнашдилар. Ўқув семинарни туман ҳокимининг ўринбосари, туман хотин-қизлар қўмитаси раиси М.Холмирзаева очиб, семинарнинг мақсад ва вазифаларига тўхталди. Иштирокчилар МФЙ фаолияти, хотин-қизлар қўмитасининг иш ҳужжатлари билан танишдилар.

Тадбирда туман тиббиёт бирлашмаси шифокори Н.Қодирова, туман ФҲДЁ бўлими мудираси И.Жалилова, бош имом-хатиб Л.Бўроновлар никоҳланувчи шахсларнинг тиббий кўрикдан ўтиши, қариндошлар ўртасидаги никоҳнинг салбий оқибатлари, оила, шаръий никоҳ одоблари мавзуларида маъруза қилдилар.

Р. ЖУМАНИЁЗОВА.