ЯХШИ ДАМ - МЕҲНАТГА ҲАМДАМ
Олтинкўл туманидаги 8-умумтаълим мактаби қошида ташкил этилган "Камалак" болалар дам олиш оромгоҳида ўқувчилар ёзги таътилни мароқ билан ўтказмоқдалар. Оромгоҳга мактаб директори, халқ таълими аълочиси Холдорхон Тожибоева раҳбарлик қилмоқда.
Бу йил оромгоҳда уч даврада 225 нафар ўқувчи дам олиши режалаштирилган. Айни пайтда бу ерда шахмат-шашка, футбол, сузиш, моҳир қўллар, рақс, мусаввирлик каби тўгараклар фаолият юритмоқда. Шунингдек, ёш мусаввирлар, раққосалар танлови, шашка мусобақаси ўтказилиб, унда Р.Камолдинов, Д. Ботиров, М.Собирова, Ш. Тожибоевлар ғолиб деб топилди.
Оромгоҳдаги болаларнинг Андижон шаҳридаги боғи Бобур ҳамда Навоий боғларига саёҳатлари уюштирилмоқда.
|