ХАЙР, ТАЛАБАЛИК ДАВРИМ

Андижон политехника касб-ҳунар коллежи битирувчиларига диплом топшириш маросимига бағишланган "Хайр, талабалик даврим" номли байрам тадбири ўтказилди. Унга битирувчилар, ота-оналар, ўқитувчилар таклиф этилдилар.

Коллеж директори Р. Абдураҳмонов барча битирувчи-ёшларни табриклаб, уларнинг мустақил юртимизнинг муносиб фарзандлари, ўз касбининг фидойи мутахассислари бўлиб хизмат қилишларида омад ёр бўлишини тилади.

Шунингдек, вилоят, шаҳар, коллеж миқёсида ўтказилган маънавий-маърифий тадбирларда фаол иштирок этган, фан олимпиядаларида муносиб ўринларни эгаллаган бир гуруҳ ўқувчилар коллежнинг фахрий ёрлиқлари билан тақдирландилар.