ҚАТРА
ОНА ҲАҚИДА...
Сиз бир ёшга кирганингизда у алла айтиб, ухлатган, сиз эса йиғлагансиз ва инжиқлик қилгансиз.
Икки ёшга қадам қўйганингизда у сизни ёнига чақирган, сиз эса қочардингиз.
Уч ёшлигингизда ширин-ширин овқатлар билан сизни сийлаган у, сиз эса таомингизни емай, тўкиб-сочгансиз.
Тўрт ёшингизда у сизнинг қўлингизга қалам ушлатди, сиз эса деворларга чизиб ташлардингиз.
Беш ёшингизда у кийдирган чиройли ва тоза кийимларини чанг-тупроққа белаб, кир қилардингиз.
Олти ёшингизда у сизнинг қўлингизда ушлаб, мактабга етаклаб борди, сизнинг эса ўқигингиз келмасди.
Ўн ёшингизда мактабдан келишингизни интизор бўлиб, йўлингизга кўз тикиб турган у, сиз эса келардингиз-у яна кўчага чопқиллаб чиқиб кетардингиз.
Сиз ўн беш ёшда бўлганингизда у Сизга бахт, соғлик ва омадлар тилаб, дуолар қилган. Сиз эса эвазига совғалар сўрардингиз.
Йигирма беш ёшингизда энг чиройли орзу-умидлар билан сизни уйлантирди, бироқ сиз хотинингизни олиб, бошқа уйга чиқиб кетдингиз.
Ўттиз беш ёшингизда у сизга насиҳат қилди, сиз эса "аралашманг, ўзим биламан", дедингиз.
Қирқ ёшга кирганингизда у хасталанди, лекин у сиз учун ортиқча юкдек кўринди, назарингизда...
Вақт оқар сувдек, ҳаёт ўткинчи, умр ғанимат. Бир кун уни тополмай қолишингиз мумкин. Агар онангиз ҳаёт бўлса, у сиз учун энг меҳрибон ва ўз навбатида сиздан меҳр кутиб яшаётган табаррук зот эканини унутманг... Ахир "Жаннат оналар оёғи остидадир"...
Ойдиной ВАҲОБЖОНОВА.
|