БИЛИБ ҚЎЙГАН ЯХШИ

САЛОМАТЛИК ҲАҚИДА

1. Вирусли гепатит билан оғриган беморни уйда билиб-билмай даволаш хавфли эканлигини унутманг.

2. Вирусли гепатитнинг олдини олишда болаларда учрайдиган рахит, эксудатив диатез, камқонлик сингари касалликларни вақтида даволаш муҳим аҳамиятга эга.

3. Болани жигар хасталигидан сақлаш учун унинг атрофидаги барча нарсаларни, айниқса, ўйинчоқларни доимо озода тутиш лозим.

4. Овқатланишдан олдин ҳам, кейин ҳам, кўчадан уйга кирганда ҳам қўлларни яхшилаб ювиш зарур.

5. Мева ва сабзавотларни истеъмол қилишдан аввал уларни, албатта, тозалаб ювиш ва қайнатилган сувда чайиш зарур.

6. Қайнатилмаган сувни ичмаслик, ивирсиқ жойда овқатланмаслик, лойқа ҳавзаларда чўмилмаслик лозим.

7. Жигар хасталикларидан асоратсиз соғайиб кетишда парҳез, озодалик, чиниқиш ва бадантарбия талабларига риоя қилиш муҳим аҳамиятга эга.

8.Бемор учун тинч шароит яратилиши, танаси жисмонан ва руҳан ором олиши шарт.

9. Соғлом юришни ният қилган одам доимий равишда сут маҳсулотлари - қатиқ, творог, шунингдек, мева шарбатларидан ҳамда витаминларга бой озиқ-ов-қат маҳсулотларини истеъмол қилиб туриши керак.

10. Спиртли ичимликликлар ичиш, тамаки маҳсулотларини чекиш соғлиққа зарар. Газли сув, аччиқ чой, кофе, шираси ўткир ширинликлар, ёғли таомлар имкон қадар кам истеъмол қилиниши мақсадга мувофиқдир.

Мафтунабону НУРДИНОВА тайёрлади.