БИР ЮРТКИ...

Ҳумо адл қанот ёзган юрт,

Кафтида улуғлар ўсган юрт.

Бугун қутлуғ остонасидан

Ёруғ йўлга қадам босган юрт.

Алп йигитлар, барно қизлардек,

Гулдек чирой очаётган юрт.

Қўлларини чўзиб юксакка,

Осмонларни қучаётган юрт.

Қайта таниб эътиқодини,

Иймонга юз тутаётган юрт.

Боғидаги ниҳолларидан

Эзгуликлар кутаётган юрт.

Бу бир юртки, гўшаларидан,

Келган меҳмон қуруқ қайтмаган.

Бу бир юртки, тинчлик куйидан

Ўзгасини жўшиб айтмаган.

Гулируҳсор МАМАТҚУЛОВА.