МАТБУОТ ХИЗМАТЛАРИ ФАОЛИЯТИНИ ТАКОМИЛЛАШТИРИШГА БАҒИШЛАНГАН СЕМИНАР
Фуқаролик жамиятини мониторинг қилииш мустақил институти Андижон ҳудудий бўлими ташаббуси билан "Матбуот хизматларининг давлат ва хўжалик бошқаруви органларининг очиқ ва ошкоралигини таъминлашдаги ўрни ва аҳамияти" мавзусида семинар ташкил этилди.
Ўзбекистон Республикаси Вазирлар Маҳкамасининг 2006 йил 22 сентябрдаги "Давлат ва хўжалик бошқаруви органларининг жамоатчилик билан алоқаларини ривожлантириш чора-тадбирлари тўғрисида"ги қарори ижросини таъминлаш, шунингдек, вилоятда бу борада олиб борилаётган ишларни такомиллаштириш, самарадорлигини ошириш мақсадида ўтказилган мазкур семинарда ушбу йўналишда иш олиб борувчи мутассадди ташкилотлар вакиллари, турли идора ва ташкилотларнинг матбуот хизмати раҳбарлари, оммавий ахборот воситалари ходимлари иштирок этди.
Семинарда мамлакатимизда демократик ислоҳотларни янада чуқурлаштириш ва фуқаролик жамиятини ривожлантириш концепциясида белгиланган вазифалардан келиб чиқиб, вилоятдаги матбуот хизматлари фаолиятини янада фаоллаштириш, матбуот хизматлари фаолиятини ташкил этиш, давлат ва хўжалик бошқаруви органлари матбуот хизматлари ва оммавий ахборот воситаларининг ўзаро ҳамкорлиги, давлат ҳокимияти ва бошқарув органлари веб-сайтларини яратиш ва фаолиятини такомиллаштириш масалалари хусусида атрофлича сўз юритилди.
Семинарда муҳокама этилган масалалар юзасидан таклиф, тавсия, фикр ва мулоҳазалар билдирилди.
Семинарда вилоят ҳокимининг маънавий-маърифий ишлар бўйича ёрдамчиси А. Нурматов иштирок этди.
У. АБДУСАЛОМОВ.
|