ТАРҒИБОТ ГУРУҲЛАРИ ПАХТАКОРЛАР ҲУЗУРИДА

Айни кунда деҳқонларимизнинг машаққатли меҳнатлари эвазига етиштирилган пахта ҳосилини йиғиб-териб олиш ишлари қизғин паллага кирган. Жорий йилда вилоятимиз пахтакорлари 93 минг 600 гектар майдонда етиштирилган пахтадан юқори ҳосил олиш учун астойдил меҳнат қилмоқдалар.

Республика маънавият тар-ғибот маркази, "Маҳалла" ҳайрия жамоат фонди, "Камолот" ёшлар ижтимоий ҳаракати, Ўзбекистон ёзувчилари уюшмаси, "Ўзбекнаво" эстрада бирлашмаси вилоят бўлимлари ҳамда вилоят маданият ва спорт ишлари бошқармаси билан ҳамкорликда ташкил этилган тарғибот гуруҳларининг пахтакорлар, ҳашарчилар ўртасида олиб борилаётган кенг кўламли тарғибот ишлари, маданий-маърифий тадбирлар терим суръатини оширишда муҳим аҳамият касб этмоқда.

Таркибига олимлар, ёзувчи ва шоирлар, санъаткорлар, маънавият тарғиботчилари киритилган тарғибот гуруҳлари жадвал асосида вилоятининг барча туманларида пахта далаларида, дала шийпонларида теримчилар ва ҳашарчилар ҳузурида маданий-маърифий учрашувлар, суҳбатлар, концерт дастурлари ўтказмоқда.

Ўтказилаётган бу каби тадбирлар теримчиларга катта маънавий озуқа, руҳий мадад, куч ва шижоат улашмоқда.

Маҳбубахон САТТОРОВА, вилоят маънавият тарғибот маркази раҳбари вазифасини бажарувчи.