ЁШ ЖУРНАЛИСТ ВА МУТАХАССИСЛАР УЧУН СЕМИНАР
Андижон шаҳрида Ўзбекистон Республикаси Олий Мажлиси ҳузуридаги нодавлат-нотижорат ташкилотлари ва фуқаролик жамиятининг бошқа институтларини қўллаб-қувватлаш жамоат фонди, Ўзбекистон электрон оммавий ахборот воситалари миллий ассоциацияси ҳамда "Водий" жамоатчилик телерадиоси" нодавлат нотижорат ташкилоти ҳамкорлигида Фарғона водийсидаги нодавлат телерадиоларида фаолият олиб бораётган ёш журналистлар ва техник ходимлар учун "Ахборот тайёрлаш мезонлари" мавзусида семинар-тренинг бўлиб ўтди.
- Мазкур семинар-тренингни ўтказишдан асосий мақсад, соҳанинг ёш мутахассислари билим, малака ва тажриболарини оширишга кўмаклашиш, - дейди "Водий" жамоатчилик телерадиоси" нодавлат нотижорат ташкилоти ижрочи директори Муроджон Тўхтаназаров. - Ўтказилган назарий ва амалий машғулотлар орқали мақсадимизга эришдик.
Анжуманда Фарғона водийсидаги 8 та нодавлат телерадиоларида иш олиб бораётган 16 нафар ёшлар икки гуруҳга бўлинган ҳолда назарий ва амалий машғулотларда қатнашдилар. Машғулотлар интерфаол усуллар, мавзу доирасидаги қизиқарли маърузалари билан мазмунли ўтди. Иштирокчилар ижодий гуруҳларга бўлиниб, кўрсатувлар тайёрладилар. Тайёрланган кўрсатувлар таҳлил этилиб, ютуқ ва камчиликлари муҳокама қилинди.
Якунда семинар иштирокчиларига сертификатлар топширилди.
Ф. ИБАЙДУЛЛАЕВ.
|