ЯНГИ КОРХОНАЛАР ИШГА ТУШДИ

Жалақудуқ туманининг Бойчеки маҳалласида трикотаж маҳсулотлари ишлаб чиқаришга ихтисослашган корхона ишга тушди. Тадбиркор Қаюмбек Юнусовнинг саъй-ҳаракати билан ташкил этилган мазкур корхонанинг иш бошлаши натижасида маҳалладаги 6 нафар хотин-қиз иш билан таъминланди.

Айни пайтда корхонада эркаклар учун турли либослар тикилиб, ички бозорга чиқарилмоқда.

Бундан ташқари, ушбу маҳаллада тадбиркор Ўткирбек Исмоилов томонидан қурилиш материаллари ишлаб чиқарувчи цех ҳам ишга туширилди. Бу ерда эса 5 нафар ёшлар доимий иш ўрнига эга бўлдилар.

У.МАМАРАСУЛОВ.