ЭНГ ЯХШИ БОҒ
Қадимий Самарқанддан хушхабар келди: "Намунали маданият ва истироҳат боғи" республика кўрик-танловида иштирок этган Қўрғонтепа тумани маданият ва истироҳат боғи "Энг яхши боғ маданият ва тарғибот хонаси" номинацияси бўйича ғолиб, деб топилди.
Дарқақиқат, мазкур боғда кейинги йилларда катта ҳажмдаги қурилиш ва бунёдкорлик ишлари амалга оширилди.
Боғ жамоасининг режалари катта. Яқин ойлар ичида мўъжазгина ҳайвонот боғи фойдаланишга топширилади. Хитой Халқ Республикасидан болалар учун турли аттракционлар олиб келинмоқда. Шу йил ёзда шахмат клуби, маъмурий бино, маънавият хонаси ва қироатхона қуриш мўлжалланмоқда. Туман ҳокимлигининг амалий ёрдами билан бу каби яна кўплаб ишлар бажарилиши режалаштирилган.
У.САКСОНБОЕВ.
|