ЭНГ БИЛИМДОН ЎҚУВЧИЛАР АНИҚЛАНДИ

Андижон вилояти касб-ҳунар таълими бошқармаси тасарруфидаги академик лицей ва касб-ҳунар коллежлари ўқувчилари ўртасида умумтаълим фанлари бўйича фан олимпиадасининг туман ва шаҳар босқичлари бўлиб ўтди.

Жорий йилнинг 10-14 январь кунлари 14 та умумтаълим фанлари бўйича ўтказилган фан олимпиадасида 2949 нафар ўқувчи фаол иштирок этиб, ўз билим ва иқтидорларини синовдан ўтказдилар.

Якуний натижаларга кўра, белгиланган шарт ва топшириқлар асосида 76 баллдан юқори балл жамғариб, биринчи, иккинчи ва учинчи ўринларга сазовор бўлган 42 нафар ўқувчи фан олимпиадасининг вилоят босқичида қатнашиш ҳуқуқини қўлга киритди.

- Мен фан олимпиадасининг Андижон шаҳар босқичида информатика фани бўйича қатнашиб, устозларим ишончини оқладим, фахрли биринчи ўринга сазовор бўлдим, - дейди Андижон давлат тиббиёт институти қошидаги академик лицей ўқувчиси Бахтиёржон Асқаров. - Ўқиб, ўрганиб, ўз билимимни янада бойитишга, фан олимпиадасининг вилоят босқичида ҳам ғолиб бўлишни ўз олдимга асосий мақсад қилиб қўйдим.

Фан олимпиадасида муваффақиятли иштирок этган зукко ва билимдон йигит-қизлар муносиб рағбатлантирилди.

Б. УММАТОВ.