ҲАРБИЙЛАРНИНГ СПОРТ БЕЛЛАШУВЛАРИ

Андижон Олимпия заҳиралари спорт коллежида "Камолот" Ёшлар ижтимоий ҳаракати вилоят бўлими кенгаши томонидан "Миллий армиямиз - мустақиллигимизнинг тинч, осойишта ҳаётимизнинг мустаҳкам кафолатидир!" шиори остида спортнинг 200 метр масофага югуриш, арқон тортиш, сузиш, армрестлинг турлари бўйича мусобақлар ўтказилди.

Тадбир маросим ташкилотчиларининг табрик сўзи билан очилди.

Ушбу спорт мусобақасида вилоятдаги ҳарбий қисмлар жамоалари иштирок этдилар. Ҳарбий хизматчилар томонидан қўл жанги бўйича ҳарбий жанговор тайёргарлигини акс эттирувчи кўргазмали чиқишлар намойиш этилди.

Муросасиз ўтган беллашувлар аскарларни янада чиниқтиришга, спорт борасидаги кўникмаларини бойитишга хизмат қилди. Мусобақалар ғолиблари "Камолот" ёшлар ижтимоий ҳаракати вилоят бўлимининг эсдалик совғалари билан тақдирландилар.

Тадбир сўнггида санъаткорлар томонидан ижро этилган куй-қўшиқлар барча иштирокчиларга ўзгача завқ бағишлади.

Н. ТЎХТАСИНОВ.