ОНАЛАР ТАШРИФИ
14 январь - Ватан ҳимоячилари куни муносабати билан "Маҳалла" ҳайрия жамоат фонди вилоят бўлими ҳамда шаҳар хотин-қизлар қўмитаси ҳамкорлигида Андижон шаҳридаги ҳарбий гарнизонга "Оналар ташрифи" тадбири уюштирилди. Унда маҳаллалар фаоллари, отинойилари ва диний маърифат ва маънавий ахлоқий масалалар бўйича маслаҳатчилари иштирок этдилар. Тадбир доирасида онахонлар аскарларнинг хизмат ва яшаш шароитлари билан яқиндан танишдилар.
Андижон шаҳар хотин-қизлар қўмитаси раиси М. Ваққосова ҳарбий аскар ва хизматчиларни байрам билан муборакбод этди. Шаҳар бош отинойиси Хосиятхон опа Мамажонова ҳамда Муяссархон опа Абдувалиева ҳам Ватан ҳимоячилари - ҳарбийларимизни байрам билан табриклаб, уларни байрам дастурхонига таклиф этдилар. Бир пиёла чой устида ўтган суҳбат ҳарбийларга хушкайфият бағишлади. Аскарлар томонидан ижро этган қўшиқлар рақсларга уланиб кетди.
З. ЧИНБЕРДИЕВА.
|