ФАСЛЛАР КЕЛИНЧАГИ
Фасллар келинчаги бўлмиш баҳорни барча интиқлик билан кутади. Баҳор инсон руҳиятини ёшартирадиган, кайфиятини кўтарадиган ажойиб ва мўъжизавий фаслдир.
Нега биз баҳорни "фасллар келинчаги" деймиз? Сабаби, қизларнинг келинчаклик даврида гўзал ҳусну латофатда чиройли бўладилар. Келинчак гўё ўзидан нур таратади, гўзаллик, ибо, садоқат рамзига айланади. Ҳамма унга маҳлиё бўлади, гўё баҳорда барча қизлар бир-биридан чиройли бўлиб, баҳоройга айланадилар.
Хуллас, келинчак - ҳаётга кўрк бағишлайдиган хилқатдир. Шу боис, унга, унинг гўзаллигига қиёс қилиниб, баҳорни фасллар келинчаги деймиз. Умидлар уйғонадиган, тилаклар ижобат бўладиган бу фасл барчамизга муборак бўлсин.
Мубина АБДУЛЛАЕВА.
|