АЁЛЛАР СПАРТАКИАДАСИ
Андижон шаҳар ҳокимлиги, хотин-қизлар қўмитаси, аёл ва спорт уюшмаси ҳамкорлигида "Наврўз" умумхалқ байрамига бағишланиб, шаҳардаги 29-умумтаълим мактабида "Спорт ҳамма учун" шиори остида таълим ва тиббиёт тизимида фаолият кўрсатаётган хотин-қизлар ҳамда уй бекалари иштирокида спортнинг теннис, волейбол, баскетбол ва шашка турлари бўйича спорт мусобақалари бўлиб ўтди.
Қизиқарли ўтган мусобақаларда опа-сингилларимиз фаол иштирок этдилар. Мусобақа ғолиблари ташкилотчиларининг фахрий ёрлиқ ва эсдалик совғалари билан тақдирландилар.
Ўтказилган спорт мусобақалари хотин-қизлар ўртасида соғлом турмуш тарзини шакллантиришда муҳим аҳамият касб этди.
Тадбирда вилоят ҳокимининг ўринбосари, вилоят хотин-қизлар қўмитасининг раиси М.Юнусова қатнашди.
З. АБДУЛЛАЕВА.
|