"ВАЗИФАЛАР БЕЛГИЛАБ ОЛИНДИ"
Бобур номли вилоят ахборот кутубхона марказида Ўзбекистон халқ демократик партияси Андижон вилоят кенгашининг IX пленуми бўлиб ўтди.
Пленумда ЎзХДП Андижон вилоят кенгаши аъзолари, олий мажлис Қонунчилик палатасидаги партия фракция аъзолари, ЎзХДП марказий кенгаши масъул ходимлари, халқ депутатлари маҳаллий кенгашлардаги партия депутатлик гуруҳлари раҳбарлари, партия фаоллари, ёшлар иштирок этдилар. Йиғилишни ЎзХДП вилоят кенгаши раиси М. Юлдашев олиб борди.
"Обод турмуш йили" ва партия дастурий мақсадларидан келиб чиққан холда ЎзХДП ташкилотлари, депутатлари ва депутатлик гуруҳларининг партия электорати мақсадлари билан боғлиқ ижтимоий вазифаларни ҳал қилишдаги иштирокини кучайтириш масалалари муҳокама қилинди. Аҳоли бандлиги ва касб-ҳунар коллежлари битирувчиларини иш билан таъминлашда партия ташкилотлари ҳамда депутатлик гуруҳларининг ҳамкорлигини кучайтириш, ЎзХДП "Истиқбол ёшлар" ва "Фаол аёллар" қаноти фаолияти самарадорлигини ошириш хусусида атрофлича сўз юритилди.
Йиғилиш якунида партиянинг янги аъзоларига аъзолик гувоҳномалари топширилди.
С. ҚОСИМОВ.
|