ИСТЕЪМОЛЧИЛАР ҲУҚУҚЛАРИ ҲИМОЯДА

Андижон давлат тиббиёт институтида Ўзбекистон истеъмолчилар ҳуқуқларини ҳимоя қилиш жамиятлари Федерацияси Андижон вилоят Бирлашмаси ҳамда "Адолат" СДП Андижон вилоят Кенгаши ҳамкорлигида "Мамлакатда амалга оширилаётган сиёсий модернизация жараёнларида жамоат ташкилотларининг ўрни ва роли" мавзусида семинар бўлиб ўтди.

Унда Андижон вилоят Адлия бошқармаси, Фуқаролик жамияти шаклланишини мониторинг қилиш мустақил институти вилоят ҳудудий бўлинмаси, "Камолот" ЁИҲ вилоят Кенгаши, Ўзбекистон "Адолат" СДП вилоят кенгаши, Ўзбекистон истеъмолчилар ҳуқуқларини ҳимоя қилиш жамиятлари Федерацияси Андижон вилоят бирлашмаси туман, шаҳар жамиятлари, ОАВ вакиллари иштирок этдилар.

Семинарда Андижон давлат тиббиёт институти фалсафа кафедраси мудири, доцент А. Асханов ҳамда Ўзбекистон истеъмолчилар ҳуқуқларини ҳимоя қилиш Федерацияси Андижон вилоят бирлашмаси раиси Э.Қурбоновларнинг мавзуга оид маърузалари тингланди.

Семинар якунида иштирокчилар ўзларини қизиқтирган саволларига жавоб олдилар.

С. ҚОСИМОВ.