"ОЗОД ЮРТНИНГ ОБОД ОИЛАСИ"
З. М. Бобур номидаги вилоят ахборот-кутубхона марказида ташкил этилган "Кутубхона-иккинчи оилам" клуби ҳамда "Маҳалла" ҳайрия жамоат фонди вилоят бўлими ҳамкорлигида ўтказилган интеллектуал беллашуви мана шундай номланди.
Ушбу оилавий беллашувда кутубхонанинг энг фаол оилавий китобхонлари қатнашдилар. Иштирокчилар оила, фарзанд тарбиясидаги муҳим жиҳатлар, кундалик ҳаётда керак бўладиган тиббиёт, пазандаликни ўз ичига олган олтита шарт бўйича куч синашдилар.
Якуний натижаларга кўра, Олтинкўл туманидаги "Иттифоқ Гулбоғ" маҳалласида истиқомат қилувчи Юнусовлар оиласи мутлоқ ғолибликни қўлга киритган бўлса, Андижон шаҳридаги "Майдон бозор" МФЙ вакили - Исмоиловлар оиласи иккинчи ўринга муносиб топилди. Ғолиб ва қатнашчиларга ташкилотчиларнинг диплом ҳамда эсдалик совғалари топширилди.
Д. ЭГАМБЕРДИЕВА.
|