ЧАРХПАЛАК ДУНЁ
Ҳаёт қизиқ. Баъзида ёшлар даврасига тушиб қолсанг, келинларнинг суҳбати қайноналарга келиб тақалади. Бирови қайнонасининг инжиқлигидан нолиса, бошқаси қурумсоқ, яна бири эса қилган ишидан айб топишидан безиллагани, бошқаси тергашидан тўйиб кетгани ҳақида гапиришади.
Ёши катта аёллар эса келинларининг одоб-ахлоқи, рўзғорга тайёр эмаслиги, шартакилигининг ёқмаслигини айтиб, ёзғириб қолишади.
Бекорга дунёни чархпалак, дейишмас экан. Аслида аёл умридаги ҳар икки даврнинг ҳам ўз тош-тарозиси бор.
Қайноналар ўзларининг келинлик даврларини, келинлар эса бир кун қайнона бўлишларини ёдидан чиқармаганлари маъқул. Чунки каттага ҳурматда, кичикка иззатда бўлганга нима етсин. Ахир, бу чархпалак дунё!
ЗИЛОЛА.
|