ҚЎМИТА БОШҚАРУВИНИНГ ЙИҒИЛИШИ БЎЛИБ ЎТДИ

Вилоят ҳокимлигининг кичик мажлислар залида вилоят хотин-қизлар қўмитаси бошқарувининг йиғилиши бўлиб ўтди. Йиғилишни вилоят ҳокими ўринбосари, хотин-қизлар қўмитаси раиси М. Юнусова олиб борди.

Йиғилишда "Обод турмуш йили" давлат дастури ҳамда "Мамлакатимизда фуқаролик жамиятини шакллантириш ва оилани мустаҳкамлашда хотин-қизлар ролини кучайтириш, уларнинг давлат ва жамият қурилишидаги кенг иштирокини таъминлаш бўйича 2013-2014 йилларга мўлжалланган ҳаракат дастури"да белгиланган вазифалар ижросини таъминлаш, шунингдек, бошланғич хотин-қизлар ташкилотлари фаолиятини қўллаб-қувватлаш ва самарадорлигини ошириш сингари бир қатор масалалар кўриб чиқилиб, атрофлича муҳокама қилинди.

Муҳокама этилган масалалар, умуман, хотин-қизлар қўмиталари фаоллигини, мазкур йўналишдаги ишлар кўлами ва сифатини янада яхшилаш юзасидан қўмита бошқаруви аъзолари М. Эгамова, Х. Жўрабекова, Ф. Араббоева, Ш.Юсупова ва М. Ҳошимовалар сўз олиб, фикр-мулоҳаза, таклиф ва тавсияларини билдирдилар.

Шунингдек, йиғилишда вилоят хотин-қизлар қўмитаси раисининг жамоатчилик асосидаги ўринбосари ҳам сайланди. Ушбу вазифага бошқарув аъзоси, Андижон интустриал педагогика касб-ҳунар коллежи директори Равшаной Жўрабоева муносиб деб топилди.

Йиғилишда кўрилган масалалар юзасидан тегишли қарорлар қабул қилинди.

Н. ХУШВАҚОВА.