ЯНГИ КИТОБ ТАҚДИМОТИ
Олтинкўл туманидаги 18-умумтаълим мактабида ижодкор Эргашали Айсаровнинг "Ажиналар тўйи" номли қисса ва ҳикоялардан иборат китобининг тақдимоти бўлиб ўтди.Унда шоир ва ёзувчилар, шеърият ихлосмандлари, шунингдек, мактабнинг юқори синф ўқувчилари иштирок этдилар.
Мактабнинг илмий бўлим мудири тадбирни очиқ деб эълон қиларкан, шу мактабда ўқиган адиб Эргашали Айсаровнинг янги китоби ҳақида қисқача гапириб ўтди. Шундан сўнг тақдимотга таклиф этилган ижодкорлар янги китоб ҳақида гапирдилар, ўзларининг шеър ва ғазалларидан намуналар ўқиб бердилар.
Мактаб ўқувчилари Иқбол Тўлқинов, Озод Турсунбоев, Мадина Қаноатбековалар Навоий ва Бобур ҳақидаги саволларга тўғри жавоб топиб, муаллифнинг янги китоби билан тақдирландилар. Шундан сўнг ёзувчи Эргашали Айсаров ўқувчиларнинг саволларига жавоб қайтариб, китобдаги айрим ҳикояларининг ёзилиш тарихи тўхталди.
Учрашув ўқувчиларида катта таассурот қолдирди.
З. РАҲМОНОВА.
|