ТАҲРИРИЯТГА ЁЗАДИЛАР

ИНГЛИЗ ТИЛИНИ ПУХТА ЎРГАНЯПМИЗ

Бугун юртимизда ёш авлодни ақлли, билимли, зукко ва бахтли бўлиб ўсиши учун катта эътибор ва ғамхўрлик кўрсатилмоқда. Бу биз ёшларнинг ҳар жиҳатдан етук ва баркамол бўлиб камол топишимизга, пухта билим олишимизда муҳим аҳамият касб этмоқда.

Асака тумани халқ таълими муассасалари фаолиятини методик таъминлаш ва ташкил этиш бўлими тасарруфидаги мактабгача таълим муассасалари ва умумтаълим мактабларида қилинаётган ибратли ишлар ана шу эътибор ва ғамхўрликнинг ёрқин намунасидир.

Тумандаги 59-умумтаълим мактабида хорижий тилларни ўқитишга катта эътибор қаратилмоқда. Айниқса, инглиз тилини нафақат ўқувчилар, балки ўқитувчиларимиз ҳам катта қизиқиш билан ўрганмоқдалар. Бунда Н. Ҳалилова, А. Охунов каби малакали инглиз тили ўқитувчиларимиз хизматларини алоҳида эътироф этиш жоиз. Бундан ташқари, билимларимизни янада мустаҳкамлаш мақсадида инглиз тили фан тўгарагига ҳам фаол иштирок этмоқдамиз. Диалоглар тузиш, кичик ҳикоялар ёзиш, айниқса, бизнинг севимли машғулотларимизга айланди. Бугун биз инглиз тилида мактабдаги дўстларимиз билан бемалол суҳбат қура оламиз. Келажакда юртимизга муносиб фарзанд бўлишга ҳаракат қиламиз.

Бегойим НАБИЖОНОВА,

Зилола ИМОНҚУЛОВА,

Асака туманидаги 59-умумтаълим мактабининг

ўқувчилари.