БИЛИБ ҚЎЙГАН ЯХШИ

ҲАР ТЎҒРИДА

Ҳозирги замон олимлари "Аёллар эркакларга нисбатан кўпроқ ухлашлари керак", деган хулосага келдилар. Чунки аёл кишининг мияси кўп вазифали тартибда ишлаганлиги боис, ўз фаолиятини тиклаши учун кўпроқ вақт талаб этади. Уйқунинг етишмаслиги организм ҳимоя функциясини пасайтириб, асаб тизими фаолиятини издан чиқариши сабабли аёллар эркаклардан кўра 20 дақиқадан 90 дақиқагача кўпроқ ухлашлари зарур.

***

Соғлиқни сақлаш халқаро ташкилоти "Молдавия, Люксембург ва Эстония - Европада ашаддий ичувчилар давлатлари", деган маълумотни тарқатди. Жумладан, Эстониянинг 15 ва ундан катта ёшдаги аҳолиси йил давомида ўртача 15 л. тоза этанол истеъмол қилар экан. Россияда эса бу кўрсаткич 10 литрни ташкил қиларкан.

***

Яқин келажакда дорихоналарда қариликка қарши воситалар пайдо бўлади. Олимлар ресвератрол моддаси асосида (қизил вино табиий компоненти) ёшартириш таъсирига эга воситалар ишлаб чиқдилар. Шунингдек, мутахассислар бундай воситалар рак, диабет ва бошқа касалликларнинг олдини олишга ёрдам беради, деб тахмин қилмоқдалар.

З.УМУРЗОҚОВ.